不要大喇叭！

不論你係初到貴境或新官上任，當你去到一個新環境，第一件要做的就是認清公司或部門內的政治形勢，特別係頭兩個月。如果你唔能夠o係頭兩個月迅速認清政治形勢，大口仔可以大膽估計你於公司內的發展將會事倍功半....

點解？

通常你初初到一個地方上班，其他人覺得你係新來者，未必會要求你事事表達本身立場，當公司發生大小事情，你可以樂於做一個旁觀者。但時間一耐 (若一至兩個月，職位越高時間越短)，你已經正式成為公司的一份子，遇到有事情發生，就開始有同事或上司要求你表達自己立場，你在公司內的"個人形象工程"亦由始展開。

所以，大家要趁剛上班的頭兩個月蜜月期盡快適應環境，了解公司內的勢力分佈、利益團體、同事性格、公司的不成文規定、發展方向等等。你掌握得越多越準，對你將來建立自己的影響力就越有利。

點做好呢？

其實要認清公司內政治形勢的方法好簡單，就係"多聽少講、先聽後講"。

有些人好奇怪，開會叫佢發表意見呢，就好似大難臨頭咁，死都唔講。相反，於辦公室內、LUNCH時間或者吹水時間就急不及待地發表個人偉論。呢種人往往因為未清楚形勢，往往多講多錯，得罪了其他人而不自知。你可以想像，連得罪人都唔知，佢地將來點樣運用自己的能力去影響人幫手做野呢？

既然初到新環境享有一段蜜月期，大家不妨利用呢段時間盡量去聽去留意。暫時不要輕易表達對某同事或某高層決定的看法。唔係叫大家要做牆頭草，而係想大家先掌握多些客觀事實先表達"主觀"意見，咁樣你可以避免好多不必要的麻煩。

奉勸各位一句，盡量不要做"會議室外的大喇叭"！

相關文章：

逃不了的辦公室政治

辦公室政治是你職場上的終身事業

何謂辦公室政治？

認清辦公室政治形勢的重要性