買入渣打銀行(2888)

趁大跌市，屍橫遍野之際，終於在今天以$242.6水平將第一注資金買入渣打銀行，實行"渣兜"搵食，成為股東之一。

渣打有幾好？大家有時間去睇返Albert的文章自然會知，大口仔不再重覆(就算寫都無Albert寫得咁好)。

其實渣打銀行係大口仔初出茅廬時加入的第一間公司，都叫有少少淵源。買入渣打主要是認同其大量投資新興市場的策略，仲記得當年渣打主席於公司內某個場合講，因為渣打的資源有限，所以要集中投資會為集團帶來最大回報的市場。幾年後睇返，此策略是成功的。

展望未來三年，渣打銀行在新興市場可與匯豐爭一日之長短，現時睇，甚至係匯豐發展新興市場的主要對手(因為花旗、UBS、美銀都打哂柴)。

大口仔話過想魚與熊掌兼得，匯豐同渣打絕對係我未來資產分配主力成員的不二之算。

ps. 噚日執筆寫渣打時，渣打在英國跌6.3%，今日再寫，升返6.6%。對大口仔黎講，渣打升當然開心，但跌亦無妨，因為仲要努力養肥呢隻千里馬。