2008年11月25日星期二

渣打供股 (2)

渣打供股的消息公佈後,筆記內、討論區上及各大中小報章都人言人殊,有人話二仔底死跟,有人話渣打管理層無誠信,以高折讓價供股係迫股東上橋,一於先沽為妙。意見唔同唔緊要,最緊要係良性討論及知道自己做緊乜!大口仔亦非常珍惜這種在大口仔筆記內的良好風氣。

各位高人(包括報章上的)的意見都聽過了,但就係發覺無人分析下渣打供股的後續發展及對股東的影響,今晚等大口仔為大家詳細少少分享下....

以下引用自香港討論區的網友Dell321

全部股東供股對股價的影響 =注資 + 拆細,即係 91 股 拆細變成 (91+30) = 121股
供股前股價假設為 = HK$90.3 (暫時以今天收市價計)
供股後股價 會即時反映為(HK$90.3 x 91股+45.11 * 30股)/(91+30) =HK$ 79.10
即是供股權可以讓你用每股$45.11買入市價為每股 $79.10的股票
供股權有 79.10-45.11的價值=每股 $33.99
供股權的市價會比理論價為低,因為有時間差、風險及對方的利潤
上述所講的除權前股價 HK$90.3是假設,因為還未到除權前的一天,股票及供股權的價值會隨市價改變。

根據上述例子,假設原本持有91股,理論上放棄供股,沽出30 股講股權,可以得到 30x$33.99= $1019現金,與此同時,除權後股價理論上會跌至$79.1,那麼股價市價賬面損失 ($90.3-$79.1) x 90 股=$1019,即是總計無大分別,分別只在於手續費及小許差價,以及持股量。

大口仔觀點:

換句說話講,股東完全有權選擇唔供股,賣出供股權而全身而退,有興趣供的股東則將新資金交給公司繼續做生意,唔存在迫股東上橋的問題。相反,若果渣打之前接受政府注資,普通股東一粒聲都無得出,股權就被大幅度被灘薄50%以上,你覺得邊種方法對股東公平?仲有,渣打於現市況能夠搵到包銷商承包18億英鎊股票集資,對渣打來說是市場的一種肯定,環球大銀行中唔係剩返幾多間可以做到。

至於供股後渣打會否失去發鈔行地位問題,先不論這地位對渣打是象徵意義大於實際義意抑或相反,大口仔覺得有部分朋友攪錯了淡馬鍚於供股過程中的身份。淡馬鍚係是次供股的包銷商及股東,作為股東,淡馬鍚當然有權按比例向渣打供股,維持股數於19%水平,作為包銷商,淡馬鍚有責任承包渣打於是次供股的股票,以確保渣打籌集到足18億資金。

在極端情況下,淡馬鍚有機會要被迫增持渣打至22%,然後失去發鈔行地位,但實際上渣打的股東大部分都會供股,餘下的部分淡馬鍚亦可找其他的投資者買入股份,由於供股價夠低,所以好大機會搵到足夠投資者買入足夠股票而無需淡馬鍚直接買入,渣打早前進行了一次極全面的投資者演示亦是為這次供股做準備。

今晚寫住咁多先,聽晚如無意外會寫渣打若成功供股後的資本情況及目標價....

4 則留言:

匿名 說...

供股較接受政府注資 只是兩個不幸中之較幸而已.......當初存戶以為渣打較同業穩妥,無暗藏問題,如今又供股,引人懷疑...可預現有錢人會撒離渣打,他們當初把渣打當成避難所,現今大家開始擔心帳中是否暗藏問題,可預見大戶將撒離渣打,他們好sensitive

pisces-hk 說...

今晚伦敦2888 上涨20%,
可否以您的经验看法,谈谈(吹水也可),这有何目的?
我胡乱写几句,例如:
1。增强信心
2。加大供股者的成本,
3。不想让太多的散户供股,因而推高股价引诱散户卖出,4。。。。。。。。

谢谢

匿名 說...

分拆得好全面呀!
但我好想知..如果唔供股...
真係可以將30股認股權沽出嗎??
同埋如果股東唔供股...
佢地唔供既新股會畀其他投資者買入...
但其他投資者買入既價錢都係$45.11?
如果係咁...咪好唔公平? @_@
定還是其他投資者要用$79.1個價錢去買?

大口仔 說...

匿名:我諗你攪錯左存款同核心第一級資本的分別。

pisces-hk:1.可能係市場的信心在宣佈供股後加強左。2.股價升幾多都唔知加大供股者的成本。3.不一定,成本亦太高。

匿名:可以賣出30股供股權。若股東選擇不供股,又不賣出認股權,餘一的包銷商會找其他投資者以$45.11買進,但機會不大。

Related Posts with Thumbnails