你財理財

無論看君是屬於那一個年齡組別，你一定都有各種理財需要：

• 你大學剛畢業，急不及待的投身社會，找自己的第一份工作，正思考點樣用第一份人工去吃喝玩樂，可惜....係政府份GRANT LOAN STATEMENT應該已經寄到你門口，斷估未來生活仲慘過大學時期....


• 工作了兩三年，政府的舊債漸清，人工又踏入上升軌道，正從比拎綜援好一點的生活爬上來，看似希望在人間之際，腦內突然醒起要自我增值，讀返個MASTER傍身，四處打聽之後，發覺學費兩年原來要十幾萬，頓時腦交戰，讀定唔讀？係咪又要節衣縮食先？


• 終於都決定去搏一舖，自我增值，計落每個月都應該可以剩返兩三千去買PSP同NDS，點知拍拖7年的女朋友"突然"話想一齊儲錢，心諗呢次大件事，唔通....


• 無錯，女朋友阿媽突然想佢個女快D結婚，經過一輪建設性討論 (妥協)，落實結婚大計，每人每月儲幾千，出年拉埋，PSP同NDS計劃告終....


• 好彩經過一返努力，憑自己本事終於都升到職，GRANT LOAN還完，人工又加左，心諗今次掂喇！正諗住出返架二手車玩下....


• 老婆話要恭喜你，BB出世喇！即刻掉屋企D車王雜誌，免得觸境傷情....


• BB出世喇！好彩兩公婆一齊努力，公一份婆一份都叫做頂得住，請埋工人都仲有少少錢剩，但心諗仔細老婆嫩，今次唔好咁天真同傻喇，諗下理財啦....


• 但係....乜野叫理財呢？好似從來都無人教喎，亦無財可理....


• 錢，好似從來都未到過自己手咁.....

以上片段，純屬虛構....

但大口仔相信不少年輕才俊都總會層經面對某些類似場面。當時(或未來)，你(會)點面對呢？

今時今日好多人都識講"理財"呢兩個字，但識講同識做係兩回事，當你面對前途、進修、結婚、置業、生兒育女、轉工、家庭保障、投資及退休計劃時，你自問可唔可以好冷靜同有計劃咁面對呢？

過去幾年，大口仔正正經歷以上種種，發覺以上提到的每一件事都對自己以後的生活影響深遠。

大口仔發覺理財並不是單純地等如投資技巧，其實理財同生活模式、工作選擇、組織家庭、稅務管理、投資技巧等都係一環扣一環地互相影響。

之後有時間會講下自己對選擇工作、進修、結婚、置業、生兒育女、生活模式、退休計劃等各方面的個人睇法。

相關文章：

農曆新年、鏗鏘集、綜援