2008年5月17日星期六

為自己找個好舞台


大口仔開始寫談職場心得以來,好開心得到大家的支持及無私的分享,使大口仔的文章內容可以更豐富同貼近大家有興趣的題目。我希望大家會繼續於大口仔筆記分享自己的經驗,亦歡迎大家向我提出任何感興趣的題目。

寫過幾篇有關如何在崗位中表現自己的文章後,有些BLOG友問大口仔,話其實佢地公司好細,或者係受制於其他公司,根本亳無升職機會,點算?

如果自覺公司亳無發展機會.....計大口仔話根本唔駛諗,九秒九走人啦!仲諗?

要於工作崗位上有發展,有一個基本問題大家一定要注意,就係各位先要為自己找個好舞台去發揮。如果你揀錯行業投身、如果你加入了一間家族色彩濃厚的公司、如果你直屬上司於公司內處於弱勢但短期內唔會走、如果你因為某種原因得罪了公司內的話事人....

大口仔要好殘忍咁同你講,我之前教大家的所有職場心得都唔會於你身上發揮到作用,請你盡快找份新工重新開始發展好過....

試想想,如果你性格內向,但又陰錯陽差地找到份要見客的工作,你會做得有幾好?就算你如何識包裝自己、為自己建立品牌,到最後你都唔會做得比其他人好,因為你根本做得唔開心。又例如你加入左一間中小型企業,全公司員工得10個,經理就係老闆,佢有權決定你工作上的任何野,你想升職加薪?得!等佢公司賺大錢佢可能會按通脹加你4%人工o既(或者).....

大家如果要在工作上有好發展,第一樣要做的就是要為自己找個好舞台,你可以....
  1. 按自己的性格及香港經濟發展大勢選定目標行業
  2. 於該行業內找一間公司文化最適合自己的公司
  3. 於該公司內留意適合自己的工作崗位
  4. 留意心儀的工作崗位需要的工作技能及經濟,一步步為自己增值以符合應徵條件
  5. 等待機會,一有空缺立刻應徵

選一個朝陽行業作為自己投身的舞台好重要,因為只有朝陽行業先會有搶人的情況出現,咁樣先會有足夠機會俾大家發揮,加快大家的升職速度!就好似今日香港的銀行業、會計業、酒店業咁....

選定目標行業,然後大家應該花時間去打聽該行業的行情。邊間公司最大?邊間公司待遇最好?邊間公司有栽員歷史?邊間公司對表現欠佳員工最手起刀落?邊間公司最肯俾機會表現最好的員工?

唔好覺得好難,三人行必有我師,你肯問,身邊朋友的朋友的朋友一定可以話你知!你問唔到最大機會係因為你仲未夠主動....基本上唔會有其他原因。

找對行業,找對公司,仲要找對部門及職位去應徵。你性格外向?請你找對外見客的工作!你怕見人,想想文書、行政工作吧!不要罔想可以改變自己天生的格性去遷就工作,你同我都唔可以。

曾經聽過有朋友講,覺得做寫分析報告的分析員好型,不理自身條條盲目去嘗試找該類工作。但實情係佢係一個外向及presentable但中英文唔得,分析力有限的人。咁你話,就算真係俾佢做到分析員,會唔會有好發展呢?

找到最終的目標工作後,你一定要好清楚該工作的入職要求,檢討下自己係咪符合全部條件呢?同其他人比較又有何優勢?如果覺得尚有改善空間,盡快展開改善工程。因為就算到有空缺時你仍然未符合該條件,但最少你都俾人睇到你有努力去達到目標,入職機會將會大大提升!

為自己找個好舞台,然後一飛沖天!

相關文章:

沒有留言:

Related Posts with Thumbnails