2008年7月27日星期日

如何在公司內建立重要的伙伴關係?

有無聽過人地講過:你識邊個比你識做乜更重要?

的確,在職場路上,有貴人扶持好多時都可以快人一步,理想達到。

人係一種好奇怪的動物,每個人以為自己好理性,但做起事來往往都係印象行先。當你對一個人有好感,你會覺得那個人講句野都好聽過人,做建議書又比別人更快更好。當然,當你要提拔下屬時,你第一個亦會先想起你有好感的人選,係咪?

當大家都知道點樣認清辦公室政治生態,接往下來就要主動出擊,在公司內因應政治形勢,一步步與重要人物建立穩固的伙伴關係。重要人物可以係你直屬老闆、下屬、其他部門主管或之前提到的目標線人等等。

總之,重要人物都係可以幫你在公司內發揮影響力的人選,道理簡單,但知易行難。

你,自信有無有效方法去達到以上目標,令自己的事途更順利平坦?

5 則留言:

匿名 說...

站對邊也要講運氣,太過面面俱圓等於沒站邊,人生太多不知因素,有點沒奈何!!

安諾勿斯 說...

靠邊站都要講勇氣眼光,要冒一定風險。好多人以為騎牆唔使冒險,有事唔使上身。現實係騎牆o既兩邊都唔討好,死得仲快。

大口仔 說...

匿名:站對邊講求的是辦公室政治技巧,當中當然涉及運氣,但你對公司內的情況如果熟識,站錯邊的風險會低好多。

不用灰心,從來這世界都是有志者事竟成的!

安諾勿斯:同意騎牆派有死得仲快風險,最起碼我睇唔到騎牆派有得發圍。

K 說...

>>有貴人扶持好多時都可以快人一步,理想達到。

咁講, 千里馬多的是, 但伯樂則難求。

很多有潛質的僱員, 最終係因為無人賞識而不得志, 生產力就日漸下降, 甚至被公司要求請辭。

但係亦有些有學歷但工作能力很一般的僱員, 恃住有阿頭看得起自己, 就"掹"到車邊就上了位了。

我只會覺得, 這匠不是千里馬, 阿頭亦不是伯樂。

大口仔 說...

Karen (Sze):今時今日,千里馬是有責任為自己搵一個好百樂的。

都係o個句,唔好俾藉口自己,呢個世界無懷才不遇呢回事。

Related Posts with Thumbnails