2009年2月28日星期六

匯控2008年全年業績及管理層報告 (業績預測)

匯豐業績公布前,英國再傳出匯豐落實供股集資計劃,是耶非耶,過多48小時就會真相大白。

之前講過,2008年匯豐全年業績的能見度好低,原因不再重覆,但我仍然根據自己這幾個月的觀察作出以下預測:

1. 匯豐的經營收入全年持平或略為減少。
2. 盈利倒退40%,當中重資產減值及美國撥備的影響至深,特別係第四季。
3. 派息由2007年第四季的36美仙減少一半至18美仙(同首三季相同),全年派息72美仙,派息減少17%,為多年來首次。
4. 匯融全年撥備170億 (美元,下同),商譽減值約20億,全年蝕60億左右。
5. 英國的貸款撥備上升,但顯著優於英國同業,盈利超越2007年全年。
6. 香港盈利倒退20%,主要受息差、投資相關收益減少及撥備增加所累。
7. 新興市場業務保持20-30%盈利增長,但增長趨頭進一步減慢。
8. 集團的貸存總額上升,但存款的增長顯著高於貸款。

以下幾點係大口仔會密切跟進的:

1. 美國及英國地區第四季的壞帳率如何?撥備情況如何?
2. 新興市場的經營狀況及展望如何?
3. 香港地區收入的倒退情況如何?
4. 存款的增長情況如何?
5. 息差在上升還是下跌,特別係美國、英國及香港的第四季?
6. 銀行的風險加權資產正在增加還是減少?資本結構如何?
7. 所持交易資產的質素如何?減值情況如何?
8. 有否供股計劃?若有,目的何在?

另外,大口仔估唔到匯豐在公布業績後會否供股,但同渣打供股時的看法一致,我認為銀行在能力許可下必須獨立於政府運作,供股比配股及大量發優先股優勝,我亦不在乎供股價的高低及折讓多少,因為對整間公司價值無大影響。

最後一點,各位亦不宜對匯豐公布業績後的股價有太高期望,因為現市況的股價走勢受業績的相關性不高....

9 則留言:

若缺齋老人 說...

唔想做咩預測,只想補充一點:那肥佬大股東經常叫笨象放手唔理帝國業務來所謂"止蝕",簡直係糖衣毒藥!

慢慢退出或可再議(當然應唔應係另一回事),但學個肥佬咁講來個唔認數就肯定死得!或者真係因為咁而save a penny,但銀行價值只在一個信字,如果真係咁搞法做完後笨象再無信譽!

匿名 說...

我對匯控有很大期望, 一向作風穩健, 是期中一間最早作出防風措施面對惡劣經濟環境的金融機構, 甚至在一月份自稱是世界上其中一間資金最雄厚的銀行, 如果供股(向市場求救)或減少派息的話我會佷失望佷失望

匿名 說...

我希望佢能帶來奇蹟, 不減息, 不供股, 承諾來年繼續維持漸進派息政策。

匿名 說...

驚奇的情況該會是﹕
1) 派息照常增加﹗
2) 資本率改善﹗
3) 2008年 2nd half 的業績好﹗

大口仔 說...

若缺齋老人:完全同意。

匿名:以2009年的市況黎睇,減派息係理性的選擇,錢放在公司始終都係股東的錢,無謂減完派息又要供股(或集資更多)。

匿名(s):不宜過份樂觀,2008及2009年的經營環非常惡劣,能夠保持盈利的銀行已經絕無僅有,大家要有心理準備。

N/A 說...

我傾向支持先減派息再集資,如用於收購我百分百支持 !

匿名 說...

大口師兄︰
3月3日,2888 出業績。
你會分析嗎?
近期 2888 表現很差啊!
Mak

匿名 說...

講真...到呢個環境...相比好多歐美銀行...花旗,美銀,rbs,barclay etc...五號仔同屬國際銀行但股價已經因為業務分散同隱健作風跑贏一大拆了! 今日睇新聞話公布業績後宣佈供股計畫集資千幾億! 作為小股東既我認為呢個係利好消息多於利淡! 因為我真係想唔到有邊國際銀行大銀行0係呢個海瀟中可以唔搵政府幫手,唔灘薄股東權益下提出供股自救! 大佬...0係呢個環境下集資千幾億呀! 對個人而言...真係精彩! 望五號仔集資成功!

若缺齋老人 說...

匿老兄:係贏左九條街!如果可以自己集資就解決到問題,你講既幾間就唔駛叫救命了!

Related Posts with Thumbnails