2009年2月22日星期日

借錢 (2)

多謝大家關心,大口仔直到依家都無借到錢俾我個死黨,亦無打算借....

有網友問大口仔我個朋友點解會欠落咁多街數,問我佢係咪借左孖展炒股票。事實佢係因為賭錢同女人先會泥足深陷,詳細情況唔方便再透露,但佢係一年內已經第二次犯上同一個錯誤,更甚者佢為左錢,開始連所有友情都押上。

大口仔之所以無借錢俾佢,最關鍵就係我發覺佢已經係第二次犯錯,理智話我知佢既問題唔係一個錢字咁簡單,而係佢理財上,嚴重話甚至係"生活模式"上出現左問題。呢D問題唔係一萬幾千可以解決到。所以我先好堅決咁拒絕左佢,了解佢欠債的問題出現係邊,幫佢搵資料去解決。

講真,大口仔見到呢個朋友咁都好心痛,因為佢曾經係一個讀書好叻、轉數好快的醒目仔,但可惜無論佢讀書幾叻轉數幾快都好,佢都仲未明白"理財"的重要性!

量入為出、不借錢投機、努力增加非工作收入這幾個簡單概念其實已經可以幫大家成為小富,講出黎好似好簡單,甚至有人會話"鬼唔知咩",但事實話俾大口仔知,真係有好多人因為唔明白呢D咁簡單既道理而誤入歧途。

大口仔衷心希望死黨可以盡快回頭是岸,切莫將一個兩三年可解決的問題變成為影響一世人的問題!

7 則留言:

若缺齋老人 說...

嘿嘿,借大口兄地盤賣下廣告得唔得?借人錢投機是死梗九成既極高風險行為!

http://dodderer.blogspot.com/2008/02/other-peoples-money.html

Unknown 說...

都好想相信有奇績,一個一年無見,不是第一次犯同樣錯的人會因為你付出的幾小時或幾日重新開始.可能轉行做信仰有關會更好!
就好似投資一樣,你願為他付出多少代價?你希望他因為嘗試失敗而放棄希望嗎?我不知道?因很多人錯估了代價,不願以身犯險,期實開始時就不該去做,錯給人期待,最後落空了,讓那人可能不再相信期待.
幾拾年累績的經驗習慣真會那麼容易改嗎?我的經驗是失敗的,代價是沈重的,到現在還為那錯判付代價,您願意為他付出至甚麼程度呢?最好先做好心理預備,到事情發生時不要驚訝!

N/A 說...

希望你朋友早日醒悟 la ...

若缺齋老人 說...

Edward兄:老實說成數的確唔高,不過唔盡力試過拉佢心裡總會戚戚然吧?

bittermelon 說...

又係因為"賭錢"和"女人",唉...我都有幾個咁死法既朋友,事後佢地講,其實"女人"相對來說唔會駛幾多,最大鑊係"賭錢",呢一個係無底的深淵...祝你的好友早日醒覺,重新上路吧

匿名 說...

屋企教落﹐就算係幾好既朋友都好﹐一講到借錢就會在雙方心理上產生微妙變化﹐自然把本來是平輩交往的友誼變質成為有高低之分﹐所以寧願無左個朋友都唔好借錢俾人﹐亦唔好問朋友借。要借﹐就問銀行借啦。

大口仔你講得好o岩﹐一個人出現財政問題﹐錢往往只是表象。要深入問題根源並解決問題﹐難道好高﹐不過希望你成功!

imak 說...

"賭錢同女人"<---男人至命傷, 但係無論衰過幾多次, 或睇到人家衰幾多次, 時間一久, 就好似失憶咁, 之前既教訓都唔記得哂(同散戶投資一樣)!

Related Posts with Thumbnails