2009年3月9日星期一

匯控@$33@大口老婆

大口老婆:「老公返黎喇?今晚晚飯有鹵水鵝、蒜蓉紛絲蒸帶子、尤魚肉碎炒九菜花,甜品有蓮蓉、奶皇水晶包,仲有芒果做飯後果.....」

大口仔:「嘩!駛唔駛咁好餸?」

大口老婆:「安慰你丫嘛....」

大口仔:「多謝你喎....(講時拉高了聲線)!」

講真,今日匯控股價跌至$33新低,心情好極有個譜,但返到屋企聽到老婆幾句說話,心情又出奇地平靜。

今日係公司,有個同事知道匯控收市後被Mark到$33收市,忽然擔心自己已退休的老豆,主動打個電話去問候佢,仲話知老豆蝕錢,索性搬返屋企同屋企人住,慳到既錢就俾老豆做家用。大口仔心諗,聽到個女咁講,個老豆心情差極都應該有個譜....

一個銀仔有兩面,睇你點諗,無人鍾意蝕錢,但有好多野未必係你掌握之中,凡事睇樂觀一面,做人會輕鬆好多。

本來已經寫好匯控2008年的業績分析,但覺得現市況再講數字已經無乜意思,無謂哂大家時間睇,只係想講大口仔唔欣賞有人"奇拿式"地拋售股票,令一眾投資者變得越來越恐慌。

往後的市況乜野都有可能發生,祝大家好運!

31 則留言:

匿名 說...

係啦, 如果大家都識諗人生最重要係乜, 就唔會被匯控所煩擾. 近日都收到好多無謂MAIL, 又話匯控死, 又話匯控換咗隻蟹做LOGO. 似乎好多人都唔明白, 匯控其實代表咗香港既經濟. 匯控養咗好多人, 匯控既股東, 匯控既職員, 匯控相關業務既人....就算WASTONS 水廠, 保安, 清潔, 運輸, 茶水.....相闗既, 應該有半百萬吧.

好欣賞你以奇拿式地抛集股票去比喻呢個情況.
大家好運.
alan_at_bank 上

匿名 說...

大口~!

Just relax and be happy! Losing money is just a result. I really appreciate what you have put into the blog. If I were you, I will be prond of my blog. And your knowledge is also master level.

Money is not the only way to get happiness. Being able to have a family supporting you during chanllenge is more important.

God Bless us!!!

Zgokli in Sydney!

若缺齋老人 說...

市場先生都提過,當你對件野長遠價值有信心時,畀人咁塞法唔係應該開心咩?

匿名 說...

請你將你的分析放出來吧。在下一向都看重你的分析,至於結果嘛‧‧‧有時候是控制不到的。

安諾勿斯 說...

心都死哂,真係好想死…有早知,冇乜乜…今次個教訓真係好大…小弟以後要緊記「唔同股票談戀愛」,同「嚴守止蝕」。

匿名 說...

咁塞法,供股價同現價都相差無幾,重供吾供得成股架?如果供股失敗,又...

yeoman 說...

是呀,請你將你的分析放出來吧。
仲有一切加油!!!

匿名 說...

是的,請你將你的分析放出來吧,起碼令我們能反駁那些不盡不實的指控!

阿爾伯特 說...

大口兄有咁抵錫同細心的髮妻,真係三世修來 :)

柴娃娃 說...

無言...港交所係唔係應該留少d black holes 呢?

有人"奇拿式"地拋售股票, 都要有"寬鬆"的遊戲制度先可以拋售得起!!

imak 說...

大口... i see the good side of it -- 你有個好老婆!!!!!

匿名 說...

係呀! 同甘共苦好太太! :)

N/A 說...

有個咁關心你既太太,生活不會難過 !

若缺齋老人 說...

阿爾伯特老兄:你說中我痛處了...小弟冇人吼!

匿名 說...

大口老婆真好啊

跟星期日檔案那幫教主好多了XD

btw...寫了的分享真的不post嗎?太可惜了...

RayZ 說...

So sweet wor..

bittermelon 說...

其實真係唔多明,點解要有這個競價時段?

red-solver 說...

我其實都好傷心. 昨晚跑步時一直在回想多年來怎樣死慳死底儲錢買匯豐. 我試過用saving plan去買, 每月供我月薪的60%, 那時真的很苦, 又要比家用, 又要交學費, 又要交稅, 中環上班又貴, 只是拿著40%去用. 辛苦了半年, 終於捱不住. 把60% 的 saving plan改成 40%. 期期都以股代息. 目的只是想著一天, 可以靠匯豐股息過活. 但現在多年的辛勞都好像白废了.

若缺齋老人 說...

苦瓜兄:當初藉口是話會減低波幅咁話喎!

好,當初笨七冇所謂,但點解而家事實證明效果反而係增加波幅都唔肯認衰,只係左修右補?

匿名 說...

萬水千山縱橫 豈懼急風雨翻
 

若缺齋老人 說...

懶人兄:你道盡唔少好似我咁上左年紀既人的心!

匿名 說...

樓上兩位有點又傻又天真了,沒有競價時段,政府官員那能跟大商家打好關係方便自己退休?你們不是這麼又傻又天真吧?以為香港政府是服務市民的?

匿名 說...

ving plan去買, 每月供我月薪的60%, 那時真的很苦, 又要比家用, 又要交學費, 又要交稅, 中環上班又貴, 只是拿著40%去用. 辛苦了半年, 終於捱不住. 把60% 的 saving plan改成 40%. 期期都以股代息. 目的只是想著一天, 可以靠匯豐股息過活. 但現在多年的辛勞都好像白废了......

As long as HSBC don't close down and keep making money and paid dividend, it will not that worst. Almost no one can escape for the economic downturn. Really hope there is way out of the tunnel

zgokli

匿名 說...

tabo, no matter how much is the HSBC, you have a wife. I am old. I am single. I lost all the money, What can I do?

bittermelon 說...

Re: 匿名
"tabo, no matter how much is the HSBC, you have a wife. I am old. I am single. I lost all the money, What can I do?"

我只係路過,請唔好介意我插嘴,呢個時勢你仲係單身有咩唔好,有咗一頭家,未計養細路,燈油火蠟衣食住行樣樣係錢,現在邊過無蝕錢? 睇開d吧.

匿名 說...

話時話,我平均價90幾入貨,都未驚過!只要一日未賣,你都未算輸!鬥長命呀!

司空雲音 說...

老實講呢 2 日當 mud 都睇唔到
mud 野分析係呢個市況都變得無用武之地
全世界都係等緊政府落幾重藥同點用藥重建市場信心
股市都係睇政策/所謂既經濟指標上落

匿名 說...

.....老婆:「老公返黎喇?今晚晚飯有鹵水鵝、蒜蓉紛絲蒸帶子、尤魚肉碎炒九菜花,甜品有蓮蓉、奶皇水晶包,仲有芒果做飯後果.....」

老公:「嘩! 撞鬼囉, 輸咗咁多錢仲唔慳啲使....」......

哈哈哈! 幸福唔係必然架.

匿名 說...

Re: 匿名
"tabo, no matter how much is the HSBC, you have a wife. I am old. I am single. I lost all the money, What can I do?"

頂住呀, 坐住貨先. 我唔信匯控既CEO 差到咁, 亦唔信鄭海泉會傷害香港人.
bank of alan

匿名 說...

凡事兩邊睇, 難保他日無買的人會話--總之$3X 時入番幾手啦!

單身開支老實講一定細過一家幾口的.

愛情, 也是一種投資. 要付出, 愛過, 哭過, 錯過, 才會明白.

匿名 說...

大口兄 財富同幸福不會共存的 , 不要為了沒生命的東西傷心 , 眼見一家齊齊整整以是人生樂事 , 命運就是愛捉弄人

不要介意本人太直

現價是值得買入 , 如果當日未用盡存款博一博的話 , 33蚊以是相比當年沙士的超底價35蚊還要低 , 但好保留會否更接近供股價 , 因為匯控的主力外國業務都傷入心臟 ,如果連供股價都跌破埋後果等同雷曼 .....希望只是我想最壞幻想

Related Posts with Thumbnails