2009年3月28日星期六

修身齊家治國平天下

一早起床,正打算拿起CFA Book 3作戰之際,八掛於網上看看一眾網友最近關心甚麼,發覺其中一個熱門話題係中央准許上海於2020年前發展成國際金融與航運中心一事,一時間香港人的自悲感又發作,香港玩完論及邊沿化論又再乘勢而起。

的確,香港的各樣優勢在時代的巨輪中開始慢慢減少,對內又因政治問題而自耗不斷,著實令大部分香港人憂心忡忡。但....擔心有用嗎?

上海要發展成國際金融與航運中心是理所當然的事,大家想心一層,上海從來都是中國的經濟中心,過去因歷史問題令其風頭暫時被蓋並不會持久。論人脈、語言、文化歷史因素、了解內地行情的程度又幾時論到香港同上海競爭?大家不斷為一些必然發生的事擔心是絕無義意的。

好多人在大環境轉變下會覺得好無奈,覺得自己的力量有限又無法改變大局,結果索性甚麼也不做,只剩擔心一途。

但大口仔相信,無論在甚麼環境下都要為自己做最好的準備,提升自己的知識,在能力許可的情況下貢獻社會,正所謂"修身齊家治國平天下",如果一方面連自己都未準備好,另一方面又只懂批評或擔心香港的將來,結果只會令香港及自己繼續沉淪。

將來的結果無人有能力預知,但當下的努力卻是人人可以掌握的,努力過後,將來有機會身在其坐自然可以有更多空間為香港出謀獻策,若機會輪不到自己,努力過後亦應該無憾。此外,世界之大,大家不妨放眼世界及國內,說不定在可見的將來,大家都湧到國內發展。

說多了,大口仔還是繼續做自己的書蟲好了....

13 則留言:

若缺齋老人 說...

以前朱榕基講既的確冇錯:即使上海係紐約,香港大可以做羅省,中國之大容幾個大城市不算什麼,但香港問題唔在於做羅省好委屈,而在於再唔莊敬自強分分鐘做左匹茲堡等夕陽城市!

Ebenezer 說...

古語亦有云:先天下之懮而懮

港人對呢句野係最識應用架喇。

巴林 說...

我認為上海成為中國的國際金融中心是意料中事,不過我唔係好認同未來中國可以容納兩個中心,一個係New York 一個係 London .....最多都係一個New York 一個Chicago !

匿名 說...

香港人呢十年都唔自強, 一如龜兔賽跑之嘛. 你唔跑, 人地慢慢來都來趕過你.

係咪一定要做天下第一呢? NEW YORK 好咩? 係乎瑞士穌尼世舒服D 喎. 同一樣係世界級金融都會, 點解係都要為第一二三呢個數字而煩? 依家中國既北京, 上海, 廣州, 重慶, 大連, 寧波都欣欣向榮. 能夠同國家一齊繁榮已經很好喇.

當然, 如果港人明白自己能力不足, 就應該增值, 為港貢獻.

上海港人Grace 說...

在上海常聽到來自不同地方的人說上海的硬件搞得不錯﹐但軟件方面還有待進步。

香港無論硬﹑軟件都不只好﹐簡直位于世界先進水平﹐香港人不用妄自菲薄﹐當然也不應滿足于做井底之蛙。

Jay 說...

我都自修緊level 1,大口兄有無咩料過下比小弟?

香港人少左以前嘅衝勁,唔知係唔係因為教育制度嘅問題,今好多學生求分數多過求學問!

匿名 說...

香港日日唸住靠阿爺俾飯食,成個二世祖咁,百年基業點守得住?有料既應該要唸下點樣自強,唔係下下靠人送錢俾香港先有得使…連自力更身既精神都無埋,點值得可憐呢?唉!

匿名 說...

I am In Sydney, working with lots of Chinese Accountants from China and several Accountants from Hong Kong. They have their strengths and we have ours.

Just respect each others, share with each others. We can do well as HongKongese.

I work very well with them and we learn a lot from each others.

So really no need to be too worry or keep comparing...

Zgokli

Brian Liu(廖匯恒) 說...

在芝加哥生活了一年半,談不上對美國有很深了解,但有一些看法。

其實為甚麼一定要做全國金融中心、經濟中心、XX中心、YY中心?做第二,是不是真的那麼大鑊?

NY是美國金融的正室,Chicago除了在期貨交易是一哥之外,其餘方面是二奶。Chicago人們的生活節奏,比NY的慢,competition沒有那麼迫人。退一步、悠閒一點的生活,不是更加值得响往嗎。

大口說的對,裝備好自己,足夠有餘。硬要爭全國第一,是不是虛榮心作祟?

Brian Liu(廖匯恒) 說...

在芝加哥生活了一年半,談不上對美國有很深了解,但有一些看法。

其實為甚麼一定要做全國金融中心、經濟中心、XX中心、YY中心?做第二,是不是真的那麼大鑊?

NY是美國金融的正室,Chicago除了在期貨交易是一哥之外,其餘方面是二奶。Chicago人們的生活節奏,比NY的慢,competition沒有那麼迫人。退一步、悠閒一點的生活,不是更加值得响往嗎。

大口說的對,裝備好自己,足夠有餘。硬要爭全國第一,是不是虛榮心作祟?

若缺齋老人 說...

廖兄:

絕對同意你所講!雖然唔算長住,但帝國幾個大城市都算"生活"過一段日子。講大講整體的確NYC無可挑戰,不過講"一技之長",芝加哥、羅省、舊金山等都有自己長處,亦唔見得失禮,比較優勢定律完全冇錯;

唔係太認同巴林兄所講,首先金融唔係唯一,以德國為例金融"中心"得一個法蘭克福,但柏林、漢堡、慕尼黑都有其長處,唔在金融上領先完全唔會搵唔到食,怕就只怕將所有蛋蛋押落同一個籃度,只要行業出問題甚至行業衰落立即玩完:世上無野係永恆,以工業為主的廢城、汽車業為主的底特律可會想到重工業都有靠唔住既一日?

assenav 說...

離題,我對住Book 4,想死!
對我黎講,Book 2 & 3相對易好多

臭豆腐Peggy 說...

cool!very creative!avdvd,色情遊戲,情色貼圖,女優,偷拍,情色視訊,愛情小說,85cc成人片,成人貼圖站,成人論壇,080聊天室,080苗栗人聊天室,免費a片,視訊美女,視訊做愛,免費視訊,伊莉討論區,sogo論壇,台灣論壇,plus論壇,維克斯論壇,情色論壇,性感影片,正妹,走光,色遊戲,情色自拍,kk俱樂部,好玩遊戲,免費遊戲,貼圖區,好玩遊戲區,中部人聊天室,情色視訊聊天室,聊天室ut,成人遊戲,免費成人影片,成人光碟,情色遊戲,情色a片,情色網,性愛自拍,美女寫真,亂倫,戀愛ING,免費視訊聊天,視訊聊天,成人短片,美女交友,美女遊戲,18禁,三級片,自拍,後宮電影院,85cc,免費影片,線上遊戲,色情遊戲,情色

Related Posts with Thumbnails