2009年3月23日星期一

Laughing哥的啟示!

近期同事之間的話題如果唔係"港男港女",就一定係"Laughing哥"!

"Laughing哥"係咪死、幾時死同點樣死,講真,大口仔唔太關心,一來因為"Laughing哥"係因為劇情需要而"去",我地第三者不宜多言,反而應該祝福佢捨生取義。二來"學警出更"始終係戲一套,生離死別都在做戲,不需過於認真。

但有趣的是,"Laughing哥"起死回生事件完全體現到GenY利用網上力量達成目標的威力!

當"Laughing哥"死去當晚,網上立即風起雲湧,大大小小的討論區都出現要求無線"Laughing哥"復活的訴求,有人更加在Facebook為"Laughing哥"建立群組,設計應用程式。

短短一個星期,總共有超過1,600,000人次用各式各樣方式拯救"Laughing哥",結果如無意外,無線會順應市民要求,將"Laughing哥"起死回生。

大口仔相信有心有力有時間去推動拯救"Laughing哥"的人,大部分屬於GenY一族,佢地對潮流熱點反應超快,會努力地完成自己有興趣的目標。

事實證明GenY的反應、組織力及辦事能力都絕對不弱,問題係佢地有冇興趣去做,同埋有冇人適當地引道佢地去做....

8 則留言:

匿名 說...

相反我認為laughing哥既出現, 証明了香港人有一點不切實際, 如果呢個係真人真事, 又有沒有這麼多人希望他復活?
其實身邊也有很多比laughing哥更戲劇性的故事, 這些都是真實, 但香港人是聽得太多, 或是對現實沒有真實感?

匿名 說...

GenY.....可唔可以做D 有建設既嘢呢?.....唉

若缺齋老人 說...

我簡直想爆粗:搞到成頁facebook都係,駛唔駛咁誇呀?

匿名 說...

但係 laughing 真係做得好好... 我只想佢做耐o的, 因為套戲真係太入型入格.
不過要佢番生, 好似唔係太好, 因為始終要死先有回響! haha

匿名 說...

唉!禁就死呀!有興趣至落力做。借問聲,又邊個人真係對份工有興趣架!十個有無一個呀!唔通清潔阿嬸興趣係倒垃圾,通渠佬愛屎味,又或者仵工鍾意死屍、腐屍!

匿名 說...

GenY.....可唔可以做D 有建設既嘢呢?.....唉?????????<<<<

其實真係好鬼好笑...雖然我都覺得facebook laughing哥單野係好無聊好白痴同好煩...因為我都無乜點睇呢套劇集...
但我真係唔明...點解咁都有野可以入一入d 所謂genY? 莫非出世遲D所謂GEN X...就同你有仇...做咩都唔啱你睇? 網絡無聊白痴野何止LAUGHING哥? 為何硬要將無建設性既野等於GEN Y所為? 難道你有能力知道背後創造呢個PROGRAM 出黎既一定係GEN Y? 難度你又ONLY見到GEN Y先會POST LAUGHING哥出黎? 你見到GEN X 少POST LAUGHING哥可能係GENX 好多人都唔多識電腦唔識玩FACEBOOK吧...就算LAUGHING係所GEN Y所創...那又如何? 做無聊白痴野係任何人人生必經的...難度GEN X 少時候就唔會發明星夢追下星追下劇集? 大家FACEBOOK見到LAUGHING哥會聯想到GEN Y既同時...又有無人諗到facebook既創辦人其實都只係一個gen y?

匿名 說...

你又唔駛咁谷氣, 我只係覺得太多香港既GEN Y (唔係全部) 浪費時間响FACEBOOK, MSN 之類而又唔做D 有建設既嘢啫. 我見到有D GEN Y 去幫手搞東亞運都十分支持.

當網上面播既係中學生打交, 地鐵四眼仔和學生妹....我等中年友其實都責無旁貸.

匿名 說...

"GenY.....可唔可以做D 有建設既嘢呢?.....唉"

我係GEN Y, 亦有支持Laughing哥,亦平時做好多有建設既嘢同用心工作,大家網上攪下笑放鬆下o者,香港人,少D批判, 多D感恩!!講Q完!

Related Posts with Thumbnails