安田紀念 - 2008 (賽果)

2008年的安田紀念最終由日本著名雌馬 ─ 伏特加(見圖)以狂風掃落葉的資態贏出，岩田康誠發揮一絕。香港代表好利威憑著較佳體力及適應日本環境，跑入一席第二，第三名由本年度進步甚多的日本馬 ─ 榮進特快奪得。另外兩匹香港代表 ─ 好爸爸及牛精福星則不入前五。

大口仔臨場睇直播，見好爸爸比香港最佳狀況時廋了很多，之後聽主持人講好爸爸及牛精福星到達日本後，體重輕了幾十磅。心知好爸爸的奪標形勢有變，臨場將本來第二睇好的伏特加取代好爸爸的獨贏位置，另外將昨晚同各位分享的心水四隻互串買連贏位。

結果....叫有少少收獲，贏返少少奶粉錢啦！嘿嘿....

話說回來，日本賽馬真係好利害。一隻最擅長跑哩半(2400m)的雌馬，縮程跑一哩可以將香港今年三四最好的一哩(1600m)馬掃哂，睇黎香港馬主要再努力喇！

如果伏特加唔退役配種，下年去杜拜同香港遠征仍然贏望極濃，不過當然唔可以俾武豐跑啦。