2008年9月28日星期日

大口仔投資週記 (2008年第38週)


中央入市、多國政府聯手救市,一度令市場相信大奇蹟日再來,但話明係"奇蹟",點會一年一次?邊有咁多奇蹟?過去一週恆指走勢話俾我地知,奇蹟不再。當大家都估計美國救市方案一定通過,經驗話俾大口仔知,最後即使方案可以原封不動地通過,市場的反應會是"好消息出貨"居多。

睇黎下星期大家的心情都唔會好得去邊....

不要造謠

東亞銀行的股東過去一週一定覺得食唔安坐唔落,因為市場傳出有關東亞的壞消息,令到東亞發生擠提事件。但問題係,事後發現呢個市場消息只係由一個電話短訊引起,再在網上廣泛流傳。事件帶來的信訊有二....

第一,投資者經過幾個星期的壞消息轟炸後,已經變得極度敏感,人心虛怯令任何壞消息都有機會被放大一百倍以上,作為市民及投資者,為人為己,請不要再嘗試在網上或用手提電話造謠,蝕低的只會是你自己。

第二,由次按問題引發的金融危機已經慢慢走到高峰,多間金融機構倒閉,不停的收購合併,慢慢會將市場上的所有弱者淘汰,直到所有"懷疑"有問題的金融機構都倒閉或被收購為止。美國金融業最壞的時間到未?無人知,但大口仔相信不遠矣....

溫馨提示:

大家留意下中國宣布減息後中資銀行股的股價走勢....
大家留意下美指同恆指最近一個月的走勢比較....
大家留意下美元匯率最近一個月的走勢....
大家留意下美國房屋銷售數字及樓價的按月及按年變動....

大家覺得那些機構將會是明年的大贏家?2009年的尋寶遊戲正式開始....

7 則留言:

N/A 說...

富通 & 美聯銀行都傳出問題 !

大口仔 說...

巴林:係呀!應該陸續有來....

匿名 說...

最近收到稅表啱啱上網睇下點填就search到呢個blog「開源節流」嗰篇,我就黎廿五歲係時候理財啦,決定生日resolution係理財!

我都係成日話自己無財可理,搵萬八家用去左七千又要還grant loan仲有咭數分期等(我覺得要開始唔帶咭出街)kick lick kac lac個個月都無得剩,只係一個月俾一千買滙豐人壽仲有一兩份我自己都唔記得係咩嘅投資野(媽咪要我買但我都無去睇過係d咩)

可能係家用太多囉...不過又無得減
所以都係要喺其他方面節儉d買少d野去少d街>.<

匿名 說...

呀~ 我叫阿ann (上面匿名者)

大口仔 說...

Ann:父母養大你,區區7,000家用係要俾的,我反而想問除左家用同GRANT LOAN,點解有咁多信用卡分期?是消費過度嗎?

"先儲蓄後消費"係大口仔送俾你的座右銘。共勉之。有時間來探下我.... :)

匿名 說...

er...係囉 成日買埋d唔等使野,使得最多都係出街,閒閒地食個飯都去左二百...好貴!而家收歛左ga la,同埋下定決心去儲蓄!! 會多d黎睇你個blog學下野^^

你話人生可以儲錢得廿年廿五至四十五,咁我就黎廿五,係時候要開始啦~...ann

大口仔 說...

Ann:咁就乖喇! 減少D吃喝玩樂,多做運動、陪下家人愛人又一日啦!時間有限啊!

Related Posts with Thumbnails