2008年9月19日星期五

匯控的減磅行動

好多人都問大口仔點解匯控唔伺機收購....

點解唔買美林、大摩、華盛頓互惠、HBOS、美聯,甚至高盛....

答案可以有好多,但大口仔反而想問:點解要買?

仲記得大口仔講過要評估一間金融機構的價值,最重要的唔係幾多倍PB、PE或息率,最重要係睇該機構的資產能夠為股東帶來多少回報。

匯控要收購,要睇整體經營策略及佈局。匯控在歐美已經建立了非常建全的經營網絡,未來營業重點在新興市場的傳統銀行業務及保險業務,如果只因為價錢低便買上述提到的歐美金融機構,結局可能係"拿屎上身"。

美銀買美林是自願的嗎?
Lloyds買HBOS是自願的嗎?
大摩同美聯合併又是否無可奈何的結局?

點解匯控要自我犧牲去買D"屎"返來?

相反,匯控近半年仲開始善價而沽所持資產,包括:

出售法國地區性分行網絡!
出售英國總部!
今日決定放棄收購KEB及出售墨西哥消費者信貸機構股權!

事後看,匯控以上的減磅行動的時機非常準確。今日決定不買KEB,原因不在南韓政府唔批準,而是匯控同賣家就減價問題談不攏,價錢唔好便拉倒,就係咁簡單。

今日匯控要買,都只會買於新興市場跌到四腳朝天,脆弱不堪的金融機構。匯控最終會出手的,但對象不會表面很平的歐美金融機構。

全力支持匯控收購AIG的亞太區保險業務,包括AIA所有股權!

8 則留言:

Murciélago@Australia 說...

agree much.

匿名 說...

想請問一下,ROA怎樣應用於銀行估值上丫,剛去老股民那裡看見他也在想這個問題,所以特來請教一下^^THX

徹之進 說...

可能滙控管理層預見未來數年全球經濟更不濟,故現時減磅渡寒冬

我都突然悲觀咗 :)

匿名 說...

有事請教!!!
我現在買的多數係中資金融股, 因為我對美國經濟沒什信心, 我一向認為中資內銀股同內需股不會受外圍經濟影響太大但係之前幾日跌到阿媽都唔認得, 我的睇法有無錯呢? 有無睇漏野呢?

依家全世界都救市, 其實我唔覺得救市係表示有好轉, 只係止痛吧, 好似美國接收兩房只係表示情況已去到自由市場不能自愈, 結果美國接收兩房後, 雷曼就執左, 跟住全世界人瀉, 家下全世界救市, 好可能歐美國家會進入經濟上的漫長冬天, 依個冬天對中國有幾大影響呢?

仲有, 我地阿爺係咪真係有入市呢??根本無人知, 可能好似直通車咁出口術, 不過我唔係想有事就求阿爺打救gei..

大口仔 說...

徹之進:佢地只係善價而買,好正常的決定,不用太悲觀。

匿名:大口仔不看好未來一兩年的中資金融股,原因有三:政治風險、經營風險及估值風險。投票結束後會有詳細分享。

大口仔 說...

祖祖:多謝支持!

天曉:先要明白該銀行的經營模式,再估計經營環境轉變對該銀行的資產回報影響。

以中資銀行為例,資產為股東產生的回報有85%都與利息收入有關,當貸款或息口變化時,對中資銀行股的ROA影響將會非常大。

阿爾伯特 說...

1) 棄收購南韓KEB
2) 出售墨西哥消費者信貸機構股權
3) 出售法國地區性分行網絡
4) 出售英國總部

5) 唔買美林、大摩、華盛頓互惠、HBOS、美聯,甚至高盛

(1) + (2) --> 不少跡象顯示新興市場的經濟前景有放緩趨勢,匯率及股市走勢已經是很強的市場訊息

(3) --> 歐洲經濟有轉弱的跡象

(4) --> 英國樓房泡沫開始爆破

(5) --> 匯控一直知道I-Bank不是自己杯茶。不用收購HBOS接壞帳,等待英國樓市到底先慢慢搶佔優質Mortgage生業還未遲。

大局其實+分清楚,冇野好驚 :)

大口仔 說...

阿爾伯特:多謝補充意見!:)

Related Posts with Thumbnails