恐怖數字

美國房屋價格6月份"按年"下跌15.9%....

美國按揭斷供比率6月份"按年"再創新高....

美國新屋銷售數字6月份"按年"跌35%....

睇到上述數字，係咪好恐怖？你驚唔驚？ 但有冇人記得次按問題爆發幾時開始？

答覆係：2007年6月！我地再睇下下列數字....

7月份待售新屋減少5.2%....

7月份新屋銷售上升2.4%....

美國二十個都會區6月份房屋價格"按月"下跌0.05%....

當大家睇到報章新聞，次次都驚嚇你唔死，語不驚人誓不休地用"按年"數字比較，我諗大家都要留意下"按月"比較數字。美國樓市的供求關係隨時間調整後，市況(價)明顯已經回穩。

大口仔再重申一次，世界上無跌不完的樓市，市場先生會用時間令市場重反均衡點。我唔知美國樓市自2007年6月開始的下跌週期完結未，但我頗肯定嚇人的比較數字，在2008年7月份之後將不會復見，大家要留意的應是"按月"數字。

匯控自2006年10月開始的撥備數字，隨著美國樓市的跌幅減慢，將會進入漫長的穩定高水平，甚至會緩慢地下降，再次大幅上升的可能性非常細，非現金流的債券價格撥備除外。