誰是您的重要伙伴？

要知道誰是你於公司內的重要伙伴，你第一件要做的，是認清你未來最少十年的事業目標。

說來老生常談，但你自問清唔清楚自己的事業目標呢？你留意下身邊同事，又會唔會發覺大部同事都抱著"得過且過"的心態過日子，他們成日埋怨自己懷才不遇，說公司低估了他們的實力，但當你問佢地的事業目標時，得到的答案多數是"升職囉"或"搵多D錢"。

鬼唔知阿媽係女人？老豆係男人？打工仔的目標當然係想"升職"或"搵多D錢"，但具體應該點做，第一步要做乜？五年後最起碼要做到咩成績？十年後又點？最理想的工作性質又係乜野？

我遇到太多同事面對上述問題時都會變得啞口無言，然後以一句"咁長遠點諗呀？"或"都唔到我揀啦！"為迴避理由。

係呀！你都無諗，咁長遠又點輪到你諗？

係呀！你乜都唔做，當然唔到你揀啦！

你要透過建立重要伙伴關係，以增加自己的政治本錢，升職加薪，快人一步理想達到，唔該你要清楚自己的事業目標先，然後再寫下一個具體的事業路線圖，當中要包括應該要認識甚麼人等等。

有事業目標，你先知道邊個對你最重要！

如果你依家都未清楚自己的事業目標，請你花一整天、一星期，甚至三個月好好想一下....