親愛的大口BB：
說實話，雖然你尚有兩個月就會"面世"，但爸B到今日都未相信自己將為人父。
看著媽咪的肚一天一天長大，從感覺不到你的存在，到第一次將手放在媽咪肚上，感受你一下又一下的反斗，那種感覺於爸B來說是既真實又科幻，非筆墨可以形容，我想，到將來你也將為人父時，你會明的....
今日爸B病了，感覺辛苦到不得了，坐在電腦前面，忽然想起將來你出世後如果我又病了將會非常麻煩，因為一邊要照顧你，一邊又怕會傳染你，想到這裡我答應自己將來要好好補養身體，免得將來煩到媽咪、煩到你又煩到自己。
雖然我無親口同媽咪講，但其實我知道媽咪"駝"住你好辛苦，廿幾三十磅可不是鬧著玩的，不時熟睡中又抽筋到彈起，大口BB你出世後真的要好好孝順媽咪，當然都要考順我啦！因為你，由細到大都不用做家務的我，這段時間都要"輕裝上陣，粉墨登場"。
你快出世了，希望一切順順利利，將來爸B教你分析銀行股下....
![[Most Recent Quotes from www.kitco.com]](http://www.kitconet.com/images/quote.gif)
12 則留言:
不如叫大口爸爸留番一大批金融股俾BB仲好過啦! (Rich Dad, Rich Baby)
Anyway, 恭喜先!
大口兄，不怕老實和你說，山芭佬個大女都已經九歲了。有時候看著他們都會懷疑說，么自己真系有個甘大哥女左。哈哈！
當孩子出生后，看著他們一天天的長大，那種滿足感絕對比你以80元買入5仔更開心。哈！
不如你買入一些快將消失金融股票俾BB玩,讓他不要忘記這血的教訓,今後將畢生受用.
保重啊大口兄，有左bb既生活比金融海嘯更血腥嫁，不過只要比心機又會好似玩股票咁令人樂在其中
好一封既溫馨又"可愛"的信, 看過後都倍覺輕鬆添!!!
大口B未出世已幸福~
阿爾伯特：我應該一蚊都唔會俾大口BB，要錢咪靠自己本事去搵囉，分享下經驗都可以既....嘿！ :)
山芭佬：哈！真係？咁真係幾開心喎！
匿名：留低份報紙咪得囉，駛乜以身試險？ :)
匿名：咁恐怖？咁要花多D心機LU...
匿名：輕鬆D啦香港人，個市咁癲，輕鬆下都好既....
Jo：希望大口BB都咁諗啦！
pls take care of yourself. Health is something we always take for granted but it is very important to our life.
your 大口BB needs you. your blog views need you too ;-)
good night
我估計我和大口兄你同年代的人 , 看這信
再加上和女友都一段時更加想隨緣地製造狂風bb
好溫馨 的信
Pisces-hk：多謝關心呀，我會好好保重的！:)
狂風沙z：俾心機啊，祝三年抱兩！哈~
祝你同BB 未來生活得好開心,你的BLOG 很實用。
給大口仔的話:
>>雖然我無親口同媽咪講，但其實我知道媽咪"駝"住你好辛苦
您既然知大口老婆咁辛苦, 您應該親口感謝她, 支持她(包括屆時陪她入產房親手剪臍帶, 不過咁血淋淋, 唔知您會否因而怕怕呢), 用說話鼓勵她, 早d返屋企幫大口老婆做家務; 同埋, 待她生完之後, 一定要獎勵她!
>>由細到大都不用做家務
您實在太幸福嘞! 依家o既您一定做到踢晒腳啦!
>>將來爸B教你分析銀行股下
嗱!呢樣o野等阿B去到十五六歲至教都未遲, 怕只怕屆時會學識呢樣野後就無心向學兼全職炒股, 屆時大口仔同大口老婆就激親嘞。
況且, 最重要的係阿B將來對呢樣有無興趣, 要逼也逼不來, 等他/她決定自己的路吧!
將來職場環境如何, 您我亦不能知。
祝大小平安!
Karen
發佈留言