慳得一蚊得一蚊

有冇睇過惠康"慳得一蚊得一蚊"那輯廣告？

廣告中有位小女孩透過不同的方法一蚊一蚊咁慳，最後滿心歡喜咁將所有"收獲"交俾爸爸的老闆，因為小女孩已經慳到爸爸一個鐘頭的工錢，爸爸不用加班，可以提早收工回家陪自己玩。

一個好簡單的廣告，不過大口仔印象好深。除了即時幻想將來大口BB有冇咁生性，識得慳錢幫大口仔交"贖金"外，我認為廣告內所帶出的意義亦好值得咱們反思。

你愛錢嘛？大口仔愛錢如命，對任何可以賺錢的東西都有無比興趣，我亦相信好多人同大口仔一樣愛錢如命，但有更多人"搵得黎洗得去"，洗腳唔抹腳得令人汗顏，然後又大叫唔夠錢洗。

由細到大，大口仔都熱愛簡樸生活，雖然簡唔中會俾人話"你駛唔駛咁慳先？"，但我依然故我。大口仔覺得應洗得洗，無謂的應酬花費可免則免，一對波鞋我可以著五年，一個銀包我可以用六年，一件有記念的波衫我可以著八年。不過，我每年買書的花費可以超過一萬，當年我搵$12,000一個月可以用$110,000報讀一個兩年制的碩士課程。

錢從何來？同過廣告一樣：慳得一蚊得一蚊！

同大口老婆拍拖時佢已經知我有這個"壞習慣"，慢慢佢都受我影響，(被我)控制每月現金流，應洗得洗，買野前會諗有冇更平更好選擇，諗下上網買會唔會更平，身邊如果有"唔等洗"野，會諗方法變賣或同人交換有用物品，慳錢兼環保 (well done！大口老婆 ^_~)。

如果你都有興趣"慳得一蚊得一蚊"，誠意為你推薦以下網站：

Yahoo拍賣：http://hk.auctions.yahoo.com/
eBay香港：http://www.ebay.com.hk/
Tradeduck (以物換物)：http://www.tradeduck.com/