唔好"叻唔切"

你有冇試過為自己達到少少成績而"叻唔切"？

在辦公室政治上，無論你幾辛苦、幾努力去經營自己的政治勢力及名聲，但一旦你跌入"叻唔切"的陷阱，你將會萬劫不復。

一般老闆都不是盲(傻)的，如果一個員工做得野佢地大都心裡有數，就算直屬老闆睇唔到，你老闆的頂頭上司亦都好大機會睇到。我唔知大家有冇試過有意無意在不同場合向其他同事，包括老闆"宣揚"自己達到的成績有多優秀，但我可以好肯定話你知，辦公室內"最黑人憎行為"頭三位一定包括了"公開地自我表揚"....

如果你自覺為公司立了大功，最適合表揚你的人是你的直屬上司，或者在別人主動問你時才平實地講出你的成績，唔好俾其他人覺得你有"不可一世"的感覺，因為如果不幸發生，一傳十、十傳百，你的政治聲望將會極速破產。

當然，老闆識唔識主動"表揚"下屬成就係另一個好好的話題，下次再續....