得閒飲茶

寫下寫下....

越來越覺得辦公室政治的技巧同追女仔的技巧如出一轍，搵出目標、搵出推動力、投其所好、有來有往，依家寫感情係要維繫的....哈！

如果大家將大口仔之前提到的都盡量做好，我相信大家多多少少都可以建立一個屬於自己的政治圈，但好多人都忽略左點樣去維繫辛辛苦苦建立出多的人脈關係。

老友、同事見面，好多時都匆匆拜別，留低一句"得閒飲茶"就算，但試問有幾多人真係會"得閒"搵返那個人出來"飲茶"呢？

請大家記住，同追女仔一樣，你與目標人物的關係是要維繫的，就算之前是生死之交都好，隨住時間流逝，朋友之間變成點頭之交的速度比你想像中要快好多....你問下你自己係咪都係咁？

午飯、30分鐘的咖啡時間，甚至只是一通10分鐘的八掛電話，每天盡量快少少時間接觸不同的目標人物，因為人脈關係不會是天掉下來，而且感情係需要維繫的 (你的女/男朋友有冇同你講過？)。