2008年10月12日星期日

大口仔投資週記 (2008年第40週)


仲記得2007年全年都有人大喊"股災快來了",由22,000點一路喊到32,000,然後恆指才由高位回落。但何謂股災?上週全球股市的走勢才有看頭,杜指及恆指一週分別下跌了約18%,連最後的兩座堡壘"匯控"及"中人壽"都慘跌10%以上,真係跌到阿媽都唔認得....

報紙全版充斥負面消息,市場對所有利好消息都視若無睹,投資者談論的已經不是任何基本分析、估值模型,他們談論的是應否將已下跌了60%的股價再大幅下調目標買入價30%或以上,如果我說熊市已過了一半以上,過份嘛?

控制倉位

大口仔十分贊同CKM兄話現市況一定要注意自己的財務狀況,確保自己有足夠的現金流去生活及持續投資,不要借貸(第N次講了),將每間公司的持股量控制在某個水平亦非常重要。

我明白不少人認為現市況"可能"已非常接近底部,覺得通街平貨又心思思想買,特別一些過往獲得市場給予高PE估值的股票(所有種類),在現市況下"看似"變得異常吸引。但即使係咁,大口仔勸大家千萬不可孤注一擲,以借貸方式過份集中買入一隻股票,因為看錯了的風險可以好嚴重。

大口仔以資產管理的角度控制自己買入投資工具的比重,之前已經提過我的目標投資選擇,如果一隻股票在我的倉位內比重過高,即使那隻股票的股價因市況反覆跌至非常吸引的水平,大口仔都不會購進那隻股票(即使係匯控),避免投資過分集中的問題。

毫無疑問,大口仔在未來幾週一定再會再買進股票,目標會放在宏利、渣打、中人壽及恆生,另外月供匯控、中人壽、招行、A50及BRIC的步伐不變。

6 則留言:

pisces 說...

are you still have confidence in 渣打? it seems that the emerging market has been battered badly, will 渣打 's bad loan increase tremendously?

Thanks

匿名 說...

想請教一下大口仔,你會覺得下年招行(or內銀股)純利會否倒退? 招行 08 年PE應該10 以下, 股息>3%,如果有增長咪唔貴?個個之前都話加息加Reserve 會影響純利, 點知內銀純利增長仲多, 而家減息又係咪會好大影響?唔係好明

gok 說...

渣打業務中心不在歐美,
不過呢排真係跌到心都驚,
我估或多或少因為佢係倫敦上市,
個邊對銀行股全失信心所以跌埋一份.

匿名 說...

渣打最大問題係d 資產响晒南韓, 東南亞, 中東, 非洲....

呢d 都係好敏感, 而且金融業非常脆弱既地方.....

不過呢家個價, 實在平

匿名 說...

大口哥,

上週(第39週大口仔投資週記)我問過一個問題,大哥有什麼意見呢? "若持有大量#5,係咪應該放咁d (say一半),避一避風頭先呢?"

我補充少少先。我所指的"持有大量#5",係講緊倉位佔去本人的股票5至6成。係咪應該放咁d(say一半),轉買第二d "平貨"或轉為持有現金,從而平衡返個持倉比例呢?(雖然現在賣#5可能比上星期賣#5會蝕左好多)

謝謝。

大口仔 說...

pisces-hk:看好啊....但看好不等如不用控制注碼,我對渣打的管理層有信心。

Roadman:有機會2009年倒退啊....之前加貸息唔加存息點會對銀行盈利有影響?依家個勢掉返轉。

Gogogok:市場認為新興市場增長放慢會影響到渣打。

渣打股東:係咪問題要睇管理層喇!

大口fans:你問的問題好睇個人,50-60%當然唔係一個少數目,我認為一隻股票佔總資產的30%已經算高。

Related Posts with Thumbnails