2008年10月18日星期六

幽默感

我地呢位特首先生,面對政治場面就係少了一點幽默感,少了一點從容不迫的感覺,既然已經掌握大局,面對立心倒蛋的"民意代表",開個玩笑不可以嗎?

黃議員向特首"出蕉"....

特首:「黃議員,我明白你好關心老人家的"生果錢"問題,但"出蕉"不能解決問題,我反而擔心你違反了亂拋垃圾條例,阿邊個邊個局長,可唔可以幫我check下?另外,阿黃議員,現今香港人都講求節約,浪費食物係好唔要得既行為,你其實係咪想送隻蕉俾我?你介唔介意我拎返禮賓府同內子一齊享用?唔好"side"丫嘛!好....下一條問題....」

黃議員向特首送上三本書及學生證....

特首:「首先,我好多謝黃議員咁有心,送幾本有關第三條道路的書俾我,政府一向大力鼓勵市民持續進修,我當然都唔例外。其實我都準備左本"待人接物的基本禮儀"諗住送俾你,呢本書我三歲孫仔睇過,唔知你細個有冇睇過呢?不過溫故知新都係好架,因為好易唔記得....另外,張學生證整得好靚呀,不過唔知社民連除左學生證仲有冇校規架呢?禮物我收左喇,唔知可唔可以討論返施政報告裡面的具體問題呢?」

^^"

7 則留言:

阿爾伯特 說...

妙!!

匿名 說...

好擔心黃生已成為學生界既英雄....的確, 呢個係社會既悲哀

大口仔 說...

阿爾伯特: ^_~

匿名:佢已經係啦,不過我信越有學識越理智的人,已經開始討厭黃生。

匿名 說...

正因為他無呢種幽默..才令他走上特首之路
邊d人係有建設...邊d人無..作為市民好易看出

大口仔 說...

匿名:但佢已身在其位,適當的幽默感可以幫佢感染他人。

匿名 說...

gap..
太長..兼重點唔夠突出..

匿名 說...

黃生在這種狀態很久......部份人喜歡,部份人反感.....以前都有聽他在商台做節目,聽聽下,覺得佢噪得濟,就無聽,可以話不太喜歡他....今年,很多大事發生,個人來說,沒法分析整體形勢,又回到尋求專家意見的時候,所以又去網台聽佢發瘋....我有個退休的朋友(大公司高層...),亦有類似情況....他聽黃生講野....要過濾他的噪音,聽聽他的道理。

我諗,黃生知道點樣玩這個遊戲....他比鄭生更善於玩表演....

朗軒老豆

Related Posts with Thumbnails