繼泳衣大王出事後，名錶大王又因債台高築陷於死亡邊沿！
又係人借我又借，驚死執輸所引發的連帶效應，輸錢的銀行真係梗有一間o係左緊。香港有幾多間銀行喎？今日報紙竟然透露有41間債權銀行，61名代表聚首一堂開債權人會議，場面都應該幾盛大。
Touch Wood未試過代表銀行參加債權人會議，所以一直都覺得呢種會議好神秘，究竟會內各銀行代表會講乜呢？互相問候大家？大鬧名錶大王？定一哭二鬧三上吊？
其實唔衰都衰左，擺明係天仙局呃錢走佬格，仲有乜好開？
寶哥哥班內地猛將今次最醒，有理無理o係廣州及山西先行拉人封舖。你借我2千7百萬咩？我封夠你兩億補數，有剩先慢慢俾返你，贏哂！
2008年9月11日星期四
拉人封舖！
訂閱：
發佈留言 (Atom)
![[Most Recent Quotes from www.kitco.com]](http://www.kitconet.com/images/quote.gif)
4 則留言:
寶哥哥雖然在立法會出名"三點不露", 但係做行內o野, 真係唔少o野; 繼油麻地某酒店被封舖, 名錶大王終於"賴野"!
一早知好耐(同Albert和維斯有次講開就知), 但爭在何時爆鑊; 不過有41間債權銀行涉及其中, 證明名錶大王用好多個excuses去向呢41間銀行借錢, 但係d錢用泥做甚麼呢? 去o左"I kill you later"?炒輪? 買晒美國兩房債券?
真係奇聞!
又, 順祝大口仔一家中秋節愉快!
匯豐發行6.5億英鎊次級票據，息率為6.75%。若匯豐水頭充足，發行次級票據有何好處呢？先多謝指教。
銀行內有CREDIT OFFICER N RISK ANALYST 去看上市公司客戶的年報嗎?看了甚麼?
香港有中央個人信用查察紀錄處?有中央上市公司查察信用紀錄處嗎?
Karen (Sze)：有心有心，大口仔都祝你中秋節快樂。
名錶大王D錢拎左去邊當然無人知，但一定已經有人袋袋平安。
閒人：發次級債券主要用來補充長期資本。水源充足代表存款夠，但存款的流入流出都可以好知期，但次級債券多屬中長期。
匿名：主要由客戶經理管理，包括分析財務報表。
發佈留言