怎樣分析銀行股？

大口仔正整裝待發，搜集資料準備分析一眾熱門銀行股，對象應離不開匯控、渣打及中資六行。

正式為大家分析銀行股之前，大口仔覺得有責任向讀者們解釋自己分析銀行股的方法。如果我往後只是一味憑各大銀行的財務報表分析他們的營運表現，你未必明白點解大口仔的著眼點要放在那幾粒數字上。

例如大口仔話....

睇銀行的營運收入比稅後盈利重要，點解呢？

睇銀行的存貸增長情況比市帳率重要，點解呢？

睇銀行資產負債表組合質素比總資產數目重要，點解呢？

以銀行的資產回報率為銀行估值比市帳率更準確，點解呢？

如果大家唔明白一間銀行是怎樣運作的，當你嘗試去睇銀行的財務報表只會一頭霧水，摸不著頭腦。不明白銀行的財務表現，又如何談得上分析呢？

大口仔無接受過任何正統證券分析訓練，我分析銀行靠的只是COMMON SENSE及自己對銀行運作的認識。 我覺得無受過所謂正統訓練反而可能仲好，因為好多所謂的分析工具只是分析員編制出來BULL SHIT投資者的玩意。

在正式寫其他銀行的分析文章之前，大口仔會先令大家明白....

1. 銀行的基本運作情況
2. 銀行的資產負債組合
3. 銀行的貸款質素及壞帳評核方法
4. 銀行資本比率的組成
5. 銀行的主要營運指標