人不為己天誅地滅？

問題：老闆最常掛在口邊的一個英文生字？

答案：Teamwork！

成日聽到老闆講大家工作要團結，不要自我中心，影響了團隊的發揮云云....唔知大家聽到老闆呢個講法，心裡面會諗乜呢？你同意？覺得老闆太天真太傻？定係會認為老闆咁講只係為左自己？

更重要的是，如果你聽從老闆指示，將teamwork掛在心口，無論邊個同事走過來搵你幫忙你都一一答應，咁樣對你黎講係好事定壞事？會唔會影響到你同其他重要人物建立合作關係？Teamwork又係咪咁解？

無錯，一個好的團隊的確講求teamwork，最好大家都可以無機心地工作，守望相助。但問題係大家的工作環境往往未必每個同事都無機心，而團隊的最終目的與你的個人目標亦未必一致。

一句好老套的說話，人不為己天誅地滅！如果因為teamwork而影響你自己的部署，影響到你與目標人物建立緊密的合作關係，在你義無反顧地幫別人之前，你係咪應該要諗清楚？

大口仔眼見很多朋友、同僚，認為teamwork就代表要幫助同事，他們在別人眼中或許都是大好人，因為佢地都係yes man，每次有人搵佢地幫手，他們都會二話不說地幫忙，關事的佢地幫，唔關事的佢地一樣幫，最後不單影響自己的工作表現，而且當重要人物找他們幫忙時，他們亦多次抽不到時間幫忙而錯失與目標人物建立合作關係的機會。

當然，teamwork是否代表逢人必幫呢？實在值得咱們深思....