銀行的基本運作情況 (2)

答案：

你間銀行的淨利息收益率=3.91%
你間銀行的總資產回報率=5.09%
點解你間銀行的市帳率可以高達3.55倍？但匯控只值1.42倍？花旗更只值0.95倍？因為你間銀行每$100資產幫你搵到$5.09，但匯控只係$0.81，花旗係蝕緊$0.69！

當然，上述假設例子將銀行的營運簡化了很多，無計營運成本，壞賬撥備等等。大口仔只係想透過上述簡單例子，令大家明白其實銀行是一門吸納存款，以錢搵錢的生意，對銀行來說，每一蚊存款或者股東資金在資本市場上，究竟可以為股東帶來幾多回報先至關重要。

大家想像下如果上述銀行的費用收入唔係$10而係$30，雖然她的淨利息收益率無變，都係3.91%，但係ROA就急增到6.91%。ROA5.09%同6.91%的估值可以差幾遠？用返10倍PE市值會升到去$760 ，市帳率就係4.32倍。點解估值上升？因為每一蚊資產幫股東搵多左錢囉....

銀行以錢搵錢的方法好多，可以直接貸款俾企業或個人賺取息差、可以投資股票或債券賺取投資收益、有錢剩時甚至可以將餘款拆借俾同業，或在銀行的客戶基礎上賺取費用收入等等，以最安全的方式賺錢，但無論用邊種方式賺錢，銀行的基礎始終係客戶存款及股東資金。

對於銀行的估值問題，大口仔之後的章節會再詳細同大家分享，但我想講坊間好鍾意於用市帳率去為估銀行估值，成日話某某銀行市帳率只得1.x倍好低云云，大口仔覺得好bullshit！

大家試想下，如果一間銀行唔能夠用持有資產賺取合理回報，銀行的股東資金根本唔可以幫到股東賺錢，我理得你市帳率低至0.5倍都無用，情況同今時今日的花旗一樣，亦解釋左點解早前中資銀行股的市帳率可以超前其他國際大行咁多。

銀行的營運狀況，最重要的收入有三，分別係利息、交易及費用收入，三者佔總盈利的分佈及增長勢頭，對銀行的估值非常重要。