大口仔家庭的資產組合 (2) - 自住物業

大口仔的資產分配原則其實好簡單，首要宗旨係不斷買入可以產生"正現金流"的資產。

道理雖然簡單，但要做起上黎就殊不容易，首先我地要懂得分辨何謂"正現金流"同"負現金流"資產的分別。如果你有睇過"富爸爸，窮爸爸"呢本書，你一定已經對兩種現金流的分別有很大掌握，簡單黎講，如果你買入的物業、股票或債券每年都可以令你"有錢落袋"，就係正現金流。

但好多人會誤會，認為資產升值都算係"正現金流"的一種，但大口仔覺得唔算，除非你定期會將資產賣掉套現，所以大口仔不會將自住物業放在資產組合內。

雖然我的自住物業在去年10月買入，經過一輪升值後，現價已經比我當初的買入價有25%的升幅，但因為我不打算短期內賣掉自住物業套現，它不會為我帶來任何"正現金流"，我無錢落袋就將有關自住物業的洗費當做支出，首期拿出來的錢、供樓的利息等等，亦當作支出論。

將自住物業當作支出論，好處係不會錯將紙上富貴當做自己身家，成日諗住賣樓，有賺一百幾十萬的幻想，更甚者有人會因為自住物業升值而先洗未來錢。

事實係你根本唔會將自住物業賣出，成日同人講話要賣左自己住間樓賺錢，然後租樓住云云，但到最後大部分都係不了了之....

相關文章：

大口仔家庭
大口仔家庭的資產組合 (1)