2008年7月10日星期四

大家樂(341)多賺14%

早兩日提到幾間值得香港驕傲的中小企,其實又點少得連繼21年錄得營業額增長的大家樂?

你無聽錯我無講錯,係連繼21年增長,由小型上市公司做到中型上市公司的大家樂,業績同匯豐其實有得揮!

21年的時間,當中經歷過股災、97回歸、金融風暴、SARS,到05開始的租金上升潮、07年開始的源料加價潮,咁多年黎都保持增長,真係難能可貴。

大家樂2007年的業績相當秀麗,營業額上升之餘,純利的增長比營業額的升幅更勁 (10% vs 13%),毛利率因為源料上升略跌,但透過加價、控制其他營運成本及增加議價力,做到"生意越做越大,利潤越來越多"的良好勢頭。

公司所持現金8億,預計2008年資本開支若1.5至2億完,自由現金流強勁。

通脹 (或滯脹)環境下,應投資於有品牌實力、有加價能力的基本消費股。連續21年持續增長的大家樂似乎係一個相當好的選擇。

除了親身試過大家樂新推出的紐西蘭"爵士牛扒"有點貨不對辨外,大口仔暫時找不到大家樂的缺點。

有冇人知道大家樂在國內的"朵"如何?

大 家 樂 多 賺 14%
息 35 仙 下 半 年 將 再 加 價 3% 《蘋 果 日 報》

【 本 報 訊 】 大 家 樂 ( 341 ) 公 佈 , 截 至 3 月 底 止 全 年 純 利 4.2 億 元 , 再 創 歷 史 新 高 , 增 幅 13.56% , 每 股 盈 利 76.36 仙 , 末 期 息 35 仙 , 增 16.67% , 全 年 派 息 比 率 達 66% , 未 來 擬 進 一 步 提 升 派 息 比 率 至 70% 。 主 席 陳 裕 光 表 示 , 為 抵 銷 食 品 成 本 上 漲 壓 力 , 上 半 年 加 價 5% 後 , 今 年 度 不 排 除 再 加 3% 。   記 者 : 李 培 瑛

陳 裕 光 表 示 , 去 年 度 食 品 原 料 價 格 不 斷 攀 升 , 其 中 豬 、 牛 、 雞 價 格 分 別 飆 升 100% 、 50% 、 30% , 拖 累 毛 利 率 跌 0.33 個 百 分 點 至 16.42% , 透 過 中 央 採 購 及 制 訂 遠 期 合 約 , 整 體 採 購 成 本 增 幅 控 制 在 10% 水 平 , 整 體 純 利 率 則 維 持 10% 左 右 。

未 來 力 拓 內 地 業 務

大 家 樂 透 過 提 高 產 品 價 格 , 抵 銷 急 速 上 漲 的 成 本 , 今 年 上 半 年 已 經 加 價 5% , 陳 氏 指 , 相 信 下 半 年 加 幅 稍 見 放 緩 , 應 加 價 3% 左 右 。 去 年 度 加 幅 則 達 7% , 平 均 單 價 則 由 26.5 元 漲 至 27.5 元 , 他 指 加 幅 屬 合 理 水 平 , 觀 乎 今 年 首 季 度 ( 即 4 至 6 月 ) 表 現 , 同 店 銷 售 增 幅 達 中 單 位 數 , 客 次 亦 有 所 提 升 。 陳 裕 光 說 , 未 來 將 集 中 火 力 發 展 內 地 業 務 , 目 前 設 有 40 間 店 , 今 年 計 劃 在 內 地 新 增 15 至 20 間 新 店 , 3 年 後 內 地 業 務 比 重 冀 由 目 前 10% 提 高 至 30% , 又 希 望 5 年 後 總 店 數 目 達 300 間 。 香 港 方 面 , 今 年 計 劃 開 設 8 至 10 間 新 店 。 整 體 而 言 , 希 望 在 5 年 內 將 旗 下 食 肆 店 舖 數 目 增 至 1000 間 。 今 年 度 資 本 開 支 1.2 億 至 1.5 億 元 , 用 作 開 設 及 翻 新 店 舖 。 投 資 額 分 別 達 2 億 及 1.5 億 元 的 大 埔 及 廣 州 廠 房 , 計 劃 於 2010 年 中 及 明 年 底 投 產 , 料 有 助 減 省 成 本 1% 及 2% 。

滿 州 鑊 料 下 年 度 轉 賺

至 於 一 直 「 見 紅 」 的 北 美 業 務 , 陳 裕 光 指 , 接 手 北 美 「 滿 州 鑊 」 業 務 逾 兩 年 半 , 仍 在 進 行 治 理 整 頓 , 並 已 關 閉 36 間 表 現 不 佳 的 店 舖 , 涉 及 分 店 比 例 達 85% , 由 於 要 為 結 業 的 店 舖 撇 賬 , 致 令 業 務 出 現 虧 損 ; 現 時 滿 州 鑊 營 運 表 現 已 回 復 正 數 , 料 今 年 底 整 頓 計 劃 完 成 後 , 下 年 度 可 轉 虧 為 盈 , 若 錄 得 盈 利 , 他 不 排 除 會 將 其 在 美 國 上 市 。 去 年 涉 獵 中 式 酒 樓 業 務 , 入 股 稻 香 控 股 ( 573 ) , 加 上 手 持 現 金 近 8 億 元 , 陳 裕 光 不 諱 言 , 考 慮 收 購 作 橫 向 發 展 , 收 購 目 標 或 包 括 西 餅 、 包 行 業 , 惟 目 前 在 港 收 購 機 會 少 之 又 少 , 具 規 模 的 項 目 早 已 被 他 人 收 購 或 私 有 化 , 目 前 苦 無 收 購 對 象 。 至 於 陳 裕 光 身 為 榮 譽 會 長 的 君 豪 會 與 九 展 業 主 合 和 ( 054 ) 的 租 約 糾 紛 , 他 說 對 事 件 「 不 知 底 蘊 」 , 又 指 自 己 「 不 方 便 」 評 論 。

大 家 樂 全 年 業 績 概 況

營 業 額   金 額 : 42.90 億 元   增 幅 : 10.42%
銷 售 成 本   金 額 : 35.85 億 元   增 幅 : 10.85%
營 運 溢 利   金 額 : 4.81 億 元   增 幅 : 13.82%
純 利   金 額 : 4.20 億 元   增 幅 : 13.56%
每 股 純 利   金 額 : 76.36 仙   增 幅 : 12.38%
末 期 息   金 額 : 35.00 仙   增 幅 : 16.67%

分 區 營 運 溢 利

香 港 盈 /( 虧 ) : 4.62 億 元   增 幅 : 12.87%
內 地 盈 /( 虧 ) : 0.43 億 元   增 幅 : 16.97%
北 美 洲 盈 /( 虧 ) : (0.24 億 元 )   增 幅 : 虧 損 增

17 則留言:

潘郎 說...

我曾經試過用股利再投資的方法去計,假設由二千年不斷用十萬買341,其後不斷用股息增值再購入,七年後可達六十萬之譜.比匯豐大約二十萬,中電約二十五萬,太古b約四十四萬為佳(感謝脫苦海先生的資料
http://hk.myblog.yahoo.com/tokuhon_blog/article?mid=2054)

潘郎 說...

北美業務整頓方面,其實,滿洲鑊話轉虧為盈都講左好幾年,但一直都係一個死局,呢個其實同維他奶既情況好似,一直係北美市場click住click住
至於其涉獵的中式酒樓業務,其實中式酒樓好多間都係艱困經營,好多時辦喜宴,嫁娶都係酒店,相反中式酒樓係攪氣氛,感覺上都較酒店遜一籌(係酒店攪,人情都會大封d,真的!)

傳統對手大快活既生意無疑做得唔錯,但我覺得好幾方面,大家樂仍略勝一籌,留意下大家食餐飯加杯野飲,大家樂都仲可以keep到係三十三蚊既水平,反而大快活就已經去到四十咁滯,其實睇盤數都睇到,大快活既毛利率無大家樂咁好

點樣保持到個低成本?據一些做grocery既人講,假設佢地入左一批就快過期既肉,真係賣唔到既話,大家樂就會多多都同佢地收,當然個價錢就壓到極低.另外佢地係囉食物位比起大快活放得更少人(至少我工作區份個間係)但做野效率俾大快活好.

You'll Never Walk Alone 說...

大家樂可算是窮人股,今年通脹高企,但經濟增長放緩,對大家樂反而有利

匿名 說...

想問營運溢利與純利的分別?我試過看上市公司年報,但不懂……

柴娃娃 說...

以餐飲質素和價錢比較, 大家樂的確比大快活優勝.

匿名 說...

In China, even in Guangzhou and Shenzhen, Cafe de Coral is nobody.

Its store number, menu variety and price can't compete with local players in Southern China such as 都城,真功夫; let along McDonald's, KFC and numerous small food stores.

柴娃娃 說...

yes, I think 真功夫 is doing quite well.

潘郎 說...

奇怪的是,大陸大家樂的留言版反應不錯,不過話得說回來,眼見為憑,無記錯的話,大家樂已是第二次打入大陸,第一次好像是鎩羽而歸

港式快餐店比local唯一可能優勢是其管理質素,及其人材訓練,大家樂是設有學校專門訓練人材(想與老麥睇齊攪麥當勞大學?)

最後一句要說的是,我自己覺得大快活的凍啡非常好,值得一試. :)

匿名 說...

This is how Cafe de Coral burnt its finger in China:

http://english.eastday.com/eastday/englishedition/specials/node20812/userobject1ai642840.html

In the case of HK, it's simply the right timing for its President Michael Chan (who studied urban town planning) to ride on the HK's economic growth in the 70's. It challenged Maxim's leadership with fast store expansion. Maxim's conservative Ng family has to play catch up until recent years.

HK's high rental cost is a formidable entry barrier to any new fast food operators. So Cafe de Coral got its first mover advantage nearly 3 decades ago.

匿名 說...

The HK formula did not guarantee immediate success for its expansion to China and US.

Even entrepreneurs have to learn its lesson the hard way.

大口仔 說...

潘郎:係呀,所以大口仔話大家樂其實有得同匯豐比較,呢幾年甚至更勝一籌!

大家樂的成本控制一向出色,透過大量採購,集中工程於食品加工廠等方法,即使早兩三年租金瘋狂上升都站得住腳,難能可貴。

美國方面,到去年先"的"起心肝買起整個"獲"去自己經營,俾多兩年時間佢啦。應該好過維他奶。

大口仔 說...

You'll Never Walk Alone:我同意經濟唔好反而對大家樂有利,因為影響大家樂成本最大的兩個ITEMS: 人工同租金都會同時下降嘛。而且,飯始終要食,女友或老婆多數都唔識煮飯(大口老婆識架!)。

Frau L:純利指企業的所有收入減所有支出。經營溢利指營業收入(不包括財務收入)減所有與營業收入有關的支出。

Addison:呢兩年大快活都追得好快,不過成本控制仲係大家樂好D,要考下大快活管理層的功夫了。

大口仔 說...

特区市民:加埋你,大口仔總共聽到4個人話大家樂在國內唔係好掂,咁真係要細心留意LU....你講得O岩,香港的成功經濟並不一定可在美國或中國同樣成功。

K 說...

大口仔哥哥, 容我用另類角度去分析大家樂。

上年做assignment, 我同一班同學仔做一個presentation關於呢間同其主要對手大快活的業務比較。

我留意到:

1. 曾經做過小型意見survey, 發覺多數人都係揀大家樂, 但係自從大快活革新形象後, 多了人揀大快活; 不過, 由於大家樂的企業形象太深入人心, 店舖數目較多(包括埋泛亞飲食, 分佈於大學, 大專和醫院等), 所以暫時仍是有優勢。

2. 就住份功課, 我"刨"埋兩間公司的annual reports(2003-2007), 發現大家樂的業績算是stable, 在promote方面除了改了slogan(大家樂見), 並推介"Club 100", 但弊在要member俾錢, 未見其成效; 反之大快活在未轉logo之前(小丑logo), 其實業績唔多掂, 原因係發展太快(尤其係中國市場), 搞到要暫時慘痛離場, 二來形象老化, d人寧願去大家樂, 三來亦少掂手學院和醫院的catering services(餐飲和到會業務), 少了收入來源。

3. 在2003年起, 大快活找陳幼堅重新包裝品牌, 重新裝修和宣傳, 走年輕人路線, 並加入"八達通日日賞"儲分計劃, 終把業績轉虧為盈, 並帶挈機構拿了不少商業上的奬項; 不過, 大家樂亦有被列入"福布斯"內500強的企業。

4. 其實兩間機構在國內業績不太好, 原因係國內除了有老麥之外, 亦有不少疑似其"老翻"的飲食對手(如鶴留山等)。

5. 大家樂除了北美的滿洲鑊, 亦有搞粥麪生意, 但成績只是中規中距(如潘郎兄所言); 自從無o左"阿二靚湯"後, 大家樂亦把集中力放在意粉屋身上, 幸好事績尚佳, 但亦要留意其主要對手必勝客的挑戰。

6. 大家樂亦有持稻香的股份, 因此大口仔哥哥亦要留意稻香的業績。

7. 由於物價高企和租金上漲, 即使食物是bulk purchase去減低成本, 我估09年的業績可能遜於08年。

以上係我的"另類"看法, 大口仔哥哥和其他朋友可以comment一下。

又, 我並無持有上述公司股份。

大口仔 說...

Karen:多謝您的詳細意見分享,很有用。

大家樂與大快活之爭好像已有人談論過,結論係大快活turn around後的投資收益比大家樂優勝,但大口仔覺得大快活又到了交叉口,過不了就會打回原形,要放長雙眼睇。

薄餅業務方面,應該係大家樂的意粉屋挑戰必勝客呢,暫時看來大家各有捧場客,不俗!

稻香我當然有留意,仲經常親身體驗經營效益,暫時覺得應有可為!

仲有利華三文治,又一收購turn around之作,業績尚可,有錢賺又穩定擴張!

成文方面,過得了06-07的加租潮,我相信大家樂可憑加價低禦材料潮價潮,因為租金應佔快餐最大的成本金。

最後都係要牛咁眼睇實中國業務,數字上係高速增長中,但口碑似乎麻麻。未攪清楚前都好難買得落手。

但無論如何都會在我的watching list!

learning path 說...

利華三文治
唔只係業績尚可,有錢賺又穩定擴張!
Cafe De Carol d tea set 唔小都用O利華d 飽.......好食好多

匿名 說...

我好耐之前都留意緊大家樂.
但佢一日吾搞好滿洲鑊, 我都吾會買.
小弟問過系北美既朋友, 佢地都話滿洲鑊麻麻地.
宜家有好多好好既股票可以買. 但我都會將大家樂放放系watching lish 度.

Related Posts with Thumbnails