在熊市中以月供增持

今日股票跌839點，聽日可能仲有得跌....

有冇想像過如果你在1997年，中國移動開始由$80的52週新高，向下調整大幅調整期間開始以月供方式增持其股票，到2007年10年間你的回報率有多少？

大口仔無精確計算過，但回報肯定以倍計，但重點何在？

1. 只要你揀對了優質股份，股價調整期反而是增持良機。


2. 相同的金額在低位時期可以購入更多股票，令你的回報倍增。


3. 股份長線看升，在因為市場的非理性令股價升到不合理水平，與其一筆過購入搏摸低，倒不如立刻開始月供計劃，以有效的工具享受股票長線的升值潛力。


4. 97後中移動股價由最高的$80調整到最低的$14，跌幅80%以上，但恐怖的跌幅反而令你賺得更多(即使到今日步入另一個新熊市)。


5. 從來都無人可以準確估到熊市底部，曹仁超、林森池、陸東、你同我都唔可以，唔好亦唔值得嘗試。


6. 最後一點，亦係最重要的一點，現在的匯豐、中人壽、招行、A50都有當年中移動的影子，點解我地唔好好去把握？